Beinþéttniskanni (DXA)
Myndgreining Hjartaverndar býður upp á beinþéttnimælingar og rannsókn á samsetningu líkamsvefja (fitu- og vöðvadreifing, bein). Þessar rannsóknir er hægt að fá með eða án tilvísunar frá lækni. Þjónustan er án greiðsluþátttöku Sjúkratrygginga Íslands.
Beinþéttnimæling tekur um 20 mínútur og gjaldið er 12.800 kr. Beinþéttni er mæld í liðbolum lendhryggjar og í báðum mjöðmum (nær-endum lærleggja og lærleggshálsum). Að auki er tekin yfirlitsmynd af hryggsúlu til mats á mögulegum samfallsbrotum.
Rannsókn á samsetningu líkamsvefja tekur um 15 mínútur og gjaldið er 12.000 kr. Heildargjald fyrir beinþéttnimælingu og rannsókn á samsetningu líkamsvefja í sömu tímabókun er 19.500 kr.
Tímapantanir í S: 5351876 eða hafa samband á vefsíðunni (rauður hnappur hér fyrir neðan).
Hafa samband
Upplýsingar fyrir einstaklinga á leið í rannsókn.
Beinþéttniskanni eða DXA skanni (e. dual-energy x-ray aborptiometry) er tæki sem notar lága skammta af röntgengeislun til að meta magn steinefna í beinum í tengslum við beinþynningu. Rannsóknin er einföld og tekur að jafnaði stuttan tíma. Sjúklingur liggur á bekk á meðan nemi hreyfist yfir allan líkamann og framkvæmir mælingar.
Undirbúningur fyrir rannsókn
Það er venjulega engin sérstakur undirbúningur fyrir beinþéttnirannsóknir og ekki þarf að gefa skuggaefni.
Tæknilega upplýsingar
Myndgreining Hjartaverndar býður uppá beinþéttnimælingar með DXA iLunar beinþéttniskanna. Þessi þjónusta er þó án greiðsluþátttöku Sjúkratrygginga Íslands.
Hafa samband
- Ritarar: 535-1876
- Röntgen- & hjartalæknar:
535-1879 - Fax: 535-1801
- Netfang: afgreidsla@hjarta.is
Opnunartímar
- Mán - Fös: 08:00 - 16:00
- Helgar: Lokað